ここから本文です
  • 2013年9月18日しまくとぅば県民大会へ行ってきました。しまくとぅばのために何かしようと掲示板を立てました。63歳中部に住む老女です。沖縄語で話します。よろしくお願いします。

    ぐすうよう ちゅううがなびら。県民大会行じ ちゃあがなさねんりち うーばぐとぅ そういびいん。しまくとぅば ちからねーやー んりうむとういみせる ぐすーよう くまんじゆんたくさびらな。ゆたしくうにげえさびら。
    ちゅうぬ しんぶんなかい 知事ぬくうらんしやうかさん 大会決議ぬねーんしやうかさんり 新報やかちょういびたん。 うっさびけえそうるうっぴやならんさとぅ うむいびたん。

    みなさん こんにちわ。 県民大会行って どうにかしなければと 余計なこと やっています。しまくとぅば 使わなければ とおもっていらっしゃる みなさん ここでお話しましょう。 よろしくお願いします。
    今日の 新聞に 知事が来ないのはおかしい 大会決議のないのはおかしいと 新報は書いてありました。嬉しがっているだけではダメだと 思いました。

  • <<
  • 66 46
  • >>
  • 66(最新)

    nag***** 9月21日 09:36

    はじかかぬ。くんどー、公明党ぬしーんじゃちょおうん。どうたーや反対さる 一括交付金ゆ どうたーがさんり。

    はじかさあねえらんるあみ。はじちらーぬちゃー。はじかさぬいちちぇーうららんり うまーんるあがやー。

    せんきょあんしまでぃ かたねーならんるあみ。うんぐとーるちゅん うちなーんちゅんりうまーねえならん

    あんしくちさぬ。いじんねーらん うちなーんちゅうせーらってぃん ぬーんうまーん、はじかさぬ。

    うんぐとーるちゅぬちゃーとぅ まじゅんいちちいかねーならん くんぐとうるくちさぬ ふかにあみんでぃる

    うむいねー ゆるんにんららん ひるにんじゅさ。

  • 自民党沖縄県支部が 選挙違反んでぃ言ち あびとうおんでぃ。県庁んかい でにーぬポスターんでぃ。

    水道庁舎ぬ 組合ぬ掲示板かい でにーぬサタデーナイトぬ ポスターがあたんり。うりが選挙違反でぃ。

    選挙違反でぃいしや 事前投票し 投票用紙ぬ 写真撮てぃ 送れんでぃ言し あらに。はごーさぬ。

    県庁んでぃ言ちゃくとぅ 本庁ぬ玄関前んかい はとうたがやんでぃる 思たさ。肝ぬぐなさや あいこうーぬ

    わらびぬぐとぅるある。あんしうとぅるさみ。あんしまきゆんでぃるうむとうみ。なあまきとうさ。すぐりむんぬ

    ちゃー。

  • 沖縄防衛局や ボーリング調査結果んでいし 不存在んでぃいち ねえらんりいち みしらんんり言ちょうんり。

    ゆくさーやー。ボーリング調査んさんぐとぅ 工事ぬないみ。ならんさに。うちなーんちゅ うせーてぃるうみ。

    はごーさぬ。改ざん、忖度んでぃいる 安倍内閣るやる。調査し悪っさっ事あたくとぅ ねえらんり言ちょうさに。

    あんしとーなてぃから 秘密保護法んでぃ言ち ひんぎーるちむえーるやさ。はごーりーやまとぅ、うったー言し

    聞ちゅる うちなーんちゅよー、ぐそー行ちから うやふぁーふじに ぬらーりりよー、たましぬぎやーたー。

  • 2018年9月18日 へぬくんかい んちゃしないりーんどう んち防衛局ぬ言ちから 一か月とぅ1日なとん。

    知事選やちゃあないが。またん安倍なゆみんでぃ しわしうゆん。うってぃや 安室奈美恵引退やたん。

    うちなーぬ ぬうやが変わいる しちみるやがやー。変わるなようちなー。してぃるなよ意地。

    あんねえるやまとぅぬ いるくとぅちくなよ。菅官房長官が うちなーんじ あびとううんり。

    北海道いち 災害復旧がんばりますんでぃ いちくぁー。むぬんしらん。くんぐとうるうが上等やみ。

    くんぐとーしーたーんかい 票いりーみ。うやふぁーふじに ぬらーりらに。

  • 4月23日火曜日 奇跡の6日間 第二日目。ちゅうや1時間半とみぃたん。搬入や2回。11時とぅ3時。200台

    ぐれえ。ちゅや700人あちまたんり。警察ぬかまぼこ車4台ならびやあま、ちゅ3時間なあんかちみやあま、

    あんすかなーし、ぬうまむとうが。戦争まむとおいやびいん。

  • 奇跡の6日間 第一日目。ちゅうや500人集またんり。昼ぬ2時までぃ トラック入りらんたしが、入りらったん。

    ちゅぬうれーないんり ゆうわかたん。あちゃんはまらな。

    ちゅうぬ機動隊や トイレんかいん行かさたん。弁護士が来てから トイレにいかすんり。ぬうが弁護士ぬ わんしー

    ばいわかいが。ふりてぃるうみ。そうっちゅぬぐとぅ むんん言りよー。わんぬしーばい 弁護士がるすみ。

    むぬんうまーん。人権無視んでぃいし わかとうみ。ふんとー うちなーちゅやみ。しなさきや まあにしてぃたが。

  • 辺野古んじ 奇跡の6日間んでぃいしすんり。うむさぎいさーやくとぅ んじがいかなんり んむとーん。

    ちゃっさちゅうが 何日ちじくが いっぺー たぬしみやん。4月23日から28日までぃ。ちゃーないが。

    んむさぎさあらに。

  • やまとうぅたーぬ するくとぅや むっとぅ分からん。相撲協会んりいし どぅたーや 暴力事件 ねえんぐとぅし

    ちょうてぃ 処分んり。わらーさんけー。やーが一番初みに 処分さりーびちあらに。やまとぅーたーや あんるやや

    る。むっとぅ分からん。

  • 佐川んりせー ぬうんちあんそうる しかみーすがやー。どぅぬするくとぅが うかさるくとぅやくとぅ

    あんししかみーしうゆみ。ちむぐりさんやー。どぅちゅいししみうきてぃ、あんすか 安倍まむらねーならに。

    まむゆるねうちぬ あるちゅやがや。やまとうぅたーぬするくとぅや むっとぅ分からん。

  • 損害賠償すんり。ふらーるやしが。ぬうぬ損害やが。なーだ作てぃんうらんむんぬ ぬうぬ損害やが。
    菅官房長官があん言ちょうたんり。8億円ぬ損害賠償やちゃーないが。ふりてぃるうさに。

    埋立許可証んかい 指示ちかねー 認可撤回すんり、りっぱ書ちょうんり。
    うちなーうせーてぃ 変更んぬーん出じゃさん 防衛局ぬまちいらっとうさ。
    ふりむんや、なまから出じゃてぃん 取り消しやんどう。ふりむんや。

    ちゅぬ真うさーちょうてぃ あんしないんり 思とうみ。いくさ世ぬめーどぅやみ。

  • 「標的の島 風かたか」見ちちゃん。でーじやっさー。宮古、石垣んかい 自衛隊基地作てぃ 辺野古かい
    200年基地 作てぃ 大和たーや またんうちなー 捨石んかいするちむい やっさー。
    はっせー ぬーんちわからんがやー。ぬうんねえん所んかい たーん 爆弾や落とぅさん。
    基地があくとぅる 爆弾や 落とぅすさに。うんぐとうる ふりむんぬちゃーとぅ まじょん
    生ちちいかねーならんしや あんしくちさぬ。

    一ち あんやがやんでぃ 思ゆる事ぬあたん。2016年7月21日ぬ高江ぬ 機動隊排除ぬ時 車の上
    んかい乗とぅたる 女ぬ人降るさんり 機動隊員が うすまさ女ぬ人ひっぱてぃ 手ん足ん
    取りらんがや んでぃ思まありいる時 山城議長が 「もうよし、車から降りよう」んでぃ
    言ちゃん。うり三上監督や 「白旗を上げた」んでい 言ちゃん。うかさーねらに。
    わったーや いくさるそうみ。かちまけどぅやみ。機動隊員んかい 負きてぃるうみ。
    あねーあらんさに。けが人死人が 出じてーならんくとぅ あんるそうさに。
    排除さっていん 負きてーうらん。白旗や降参るやる。わったーや 降参やさん。
    命ぬあるかじり 排除さりーん。降参や絶対さん。白旗やぜったいあぎらん。

  • ブロックやなー6割 海んかい投ぎらったんり。140個ぐれーやさ。あんすか投ぎてぃ
    ぬうすがんでぃ思ゆん。うりがむる珊瑚殺すか んでぃ思いいねー いっぺー苦さん。
    ぬうんならん どぅぬ苦さん。

  • 今日やブロック いくち海んかい なぎうとぅちゃが。うりかんじょうしん ぬうんならん。
    あんしが ちゅうやいくち、あちゃやいくちんでぃいち かんじょうしわるないさみ。
    ちゅうやぬうさん あちゃやぬうさんち かちうかねー 辺野古基地ちゅくらすし ただ見ちょうたん
    んでぃうむいねー どうぬふしがらんさに。仕事やれーしかたーねらん。仕事さんぬーるやりば
    ちゅうやくんぐとーるやたんんでぃいち かかねーならんさに。

    あんし ブロック落とぅちゃる勘定書ちゅん。新聞に書ちょうたん。
    2月7日 火 4個 2月10日 金 10個 2月13日 月 8個 2月14日 火 3個 
    2月15日 水 6個 2月16日 木 7個 2月17日 金 9個 2月21日 火 12個 
    2月24日 金 6個 2月27日 月 9個

    分かいるうっぴし 68個。かんじょうそうねえんしんあくぅとぅ 70個から80個や
    海んかい投ぎとうるはじやん。うとぅるさぬ。海や死なに。わったー魂や死なに。

  • 辺野古行じちゃん。今日ん機動隊員がうたん。工事車両入りーんち、座り込み排除すたん。一人かちみらったん。
    ぬうかんげーとうーがや。あんすかなーさねーならんがやー。「基地や作らさん」でぃいちゃくとぅ 
    「静かにしなさい」んでぃ いたん。ぬーが うりいいんちる 辺野古ちょうる。ふらーやあらに。

  • 沖縄県やぬーそうが。しまくぅとばぼんぼん んでぃいち テレビ番組そうしが、うれーゆたさん。
    いいぺーじょうとうやさ。うちなーぐちびけーあらん。みやーくふつん えーまぐちん よなぐにくぅとばん
    そーたん。いっぺーじょうとうやさ。あんしが辺野古ちゃーすが。辺野古反対ん CMならんがやー。
    辺野古残さねーならん んでぃいち CMさんがやー。自民党が圧力かきーるはじやー。ならんさに。

  • 沖縄県やゆーそうが。まぎブロック落とぅさんきよー んでぃいゆーさんどぅあみ。わんいゆみ。
    んでぃ言ち裁判所にいいんならん。じゃーひぇーやさんでぃいち うわらりーみ。とぅみらな。
    とぅみらな。辺野古とぅみらな。トンブロックちゅうやいくち うとうちゃん、んでぃいち
    めーなち あびとーかねーならん。めーなち海やしなさっとううん。わかてぃうらねーならん。
    あわりやさ。いくさ世にいちゅる みちなかにうりば 先やいくさ世とぅ わかるくりさ
    あきさみよ。ぬうんちあんなたが。

  • うってぃーやまぎブロック 9個落とぅちゃんり。始め-2・3個んでぃいやーま ゆだんしみとうてぃ
    9個10個なれーからー 20日せー終わゆん。あきさみよー。うぬまぎブロックや うめたてちんかいん
    落とぅすんりちあらん 汚濁防止ぬ かーまくさーんかい 落とぅすんりろー。あんすか海やんじゅみ。
    かーまくさーんかい ぬうんりち まぎブロック落とぅさねーならんが。

  • 昨日やまぎブロック 7個海んかい落とぅちゃんり。ぬうんち止みららんが。テレビし
    うり見ちょうし ちゃっさくちさくとぅ。くちさんどー んでぃ言ちん たーんちかん。
    くちさせー んないぬむん。わんちゅいやあらん。やしが、くちさん。うり見ちょうしや
    いっぺー くちさん。とぅんとぅるもーやするかくちさん。くちさんどー。やみてぃきれー。

  • 昨日や辺野古行じちゃん。水曜日やたくとぅ工事車両や入らんたん。第二ゲート前んかい座ちょうたん。
    くぬゲートや弾薬運搬んかい使いくとぅ くまうさーれーから アメリカーたーやいっぺーわじゆんり
    前に委員長がいちょうたん。くまから工事作業員が入し 止みゆんり副委員長が言ちょうたん。

    作業員や今日や入ゆーさんたるぐとぅやん。水曜日やいっぺー ゆるっとぅしうーあびーんさんてぃん
    すむくとぅ いっぺー行ちやっさん。月火金んくーよーんでぃ 世話人ぬ言ちょうたしが
    ないるうっぴるないる。んでぃ思ゆしや ふゆーるやがやー。うむさくとぅるする。
    人からしいよーんでぃ言らってぃするむのーあらん んでぃ思てぃふゆーさな。

    あんしが、めーに新聞し読だしが、機動隊んかい はじかさーねらに んでぃいしや いっぺーなちかさん
    んでぃ書ちょうたしが、うりがゆーわからん。いぬうちなーんちゅ すぐいくるち いっぺーにくさる
    ふうじする機動隊んかい はじかさーねーらに んでぃ言しが ぬうんちなちかさが。

    暴力んかい暴力したちゅしが いいかんげーやあらん んでぃ言せーわかいん。いぬうちなーんちゅ
    おーてぃちゃーすが んでぃいしんわかいん。わかいしが ぬうんち はじかさーねえらに んでぃ
    言いしが 悪っさがわからん。仕事やくとぅちゃーんならんさに んでぃ言ちん、うりが兵隊なてぃ
    うったーぬ前んかい立ってぃからん はじかさーねらに んでぃいゆーさみ んでぃ言ちから
    徴兵制の兵隊やれー 言ゆーさんはじ。言ちからー憲兵んかいかちみらってぃ 金網あらに。

    平和なてぃ 金網んかい入りららんち わかとうくとぅ あんり言さんでぃ言らりれー、うれー
    じままるやるんでぃ 思ゆん。はじかさーねーらに んでぃ言いせー うかっとぅ使てぇならん。
    仕事るやる。仕事ゆいあんし 荒業んそーる んでぃいち 機動隊かたむち ちゃーすが。
    とぅすいいなぐんよーしよーしんでぃ言ち うさ-てぃちゃる事や忘ららん。

  • 海上工事から1週間。ふみおばーが立っちゃん。機動隊ぬ前んかい立っちゃん。いったーんくうねー
    ちゃあすがんでぃ言ちょーん。行かねーならんさみ。止みねーならんさに。

    あんしが機動隊やいっぺーやなむんやたん。よーしよーしんでぃやーま、座ちょーる とぅすいいなぐぬちゃー
    うさーてぃあっちょうたん。うりんかい うすらってぃからー ぬちぇえねーらんしが。

    ちゅぬしぬんどーんでぃいちん とぅみーんさんたん。にんじんやあらん。だいこぬんあらん。ぬうがやら。
    いくさはじまいや くんぐとぅやあらに。くまからが はじまいやあらに。あん思てぃいちちょおん。くちさぬならん。

  • <<
  • 66 46
  • >>
並べ替え:
古い順
新しい順